طريقك للسعادة.. قراءة في كتاب “كيف تتقن لعبة الحياة”

تمهيد:

كل كتاب يبدأ من سؤال، وينتهي غالبًا بأسئلة أكبر، وبين البداية والنهاية رحلة فكرية يصوغها مؤلف، ويعيد اكتشافها كل قارئ بطريقته الخاصة.
هذه الصفحات ليست اختصارًا للكتاب، ولا محاولة لاستبدال قراءته، وإنما قراءة صحفية تحليلية تعيد تقديم أفكاره بلغة جديدة، وتناقشها في سياقها، وتربطها بالواقع، وتفتح بابًا للتأمل أكثر مما تقدم أحكامًا نهائية، وهنا لا نقرأ الكلمات فقط، بل نقرأ ما وراءها.

لماذا هذا الكتاب؟

كتاب “كيف تتقن لعبة الحياة” للدكتورة سمية الناصر، وهو من أكثر الكتب مبيعًا وطرح في عام 2018، وهنا بتبدأ بتعريف الحياة على أنها “لعبة” ليها قوانين، واحنا علشان مش فاهمين القوانين بنخاف ونشتكي ونخسر، وده محتاج مننا نكون أكثر فهمًا للعبة ونحط القوانين اللي هتساعدنا نتجاوز أي مشكلة.

سمية الناصر هتلاقيها بتحط إيدها على جروح كتير وبتساعدك تتجاوز 369 مشكلة ممكن تقابلك، تبدأ رحلتها في الكتاب مع النجاح وإحساس البعض بالخوف منه وبالتالي هيقعوا في الفشل، فبتساعدك وتقولك: تواجد في بيئة النجاح التي تحب أن تتواجد فيها، وكمان صاحب الناجحين واتعرف عليهم في نفس مجالك، واخطو للنجاح خطوة تلو الخطوة حتى لا تشعر بالخوف.

تاني سؤال هتجاوبك عليه لو أنت خايف من سعادتك، فيكون الجواب إنك محتاج تتواجد وسط أشخاص سعداء طوال الوقت وتراقبهم، وأن تسمح لنفسك بأن تستحق السعادة، وافعل ما يُشعرك بالسعادة دون خوف، لمدة أطول، ومرات أكثر، وأن تحاول أن تكون سعيدًا لثلاثة أيام متتالية.

طيب لو خايف من الموت، هنا هتلاقي الكاتبة بتوجه ليك رسالة بإنك خايف مما سمعت وقرأت عما بعد الموت، وده بخليها تقولك إنك تقعد وحيد شوية وبدون عمل لفترة ثم تكتب عن معتقداتك عن الموت بالتفصيل وناقش ده مع شخص لا يخاف الموت.

أما لو خايف من الكلام أمام الناس، فأنت قاسي مع نفسك ومحتاج تكتب في ورقة ازاي بتنتقد نفسك وبتقول لها أي، واجه أي نقد لنفسك بضحكة تكون صوتها عالي، وكمان تخيل اللي قصادك عبارة عن أطفال.

يلخص هذا الكتاب عدة أمور، منها إنه هيجاوبك على أمور كتير وبشكل بسيط عبارة عن طرح ورسالة فيها 3 خطوات علشان تحل المشكلة، وأكيد ممكن تستخدمه كقاموس أو مرجع وقت الحاجة للتغلب على المشكلة لإنك مش هتشعر بملل خالص والخطوات قصيرة ومبسطة بشكل جذاب.

هتلاقي نفسك قصاد قوانين هتساعدك تتغلب على المشكلات زي وضوح الهدف لأنك مش هتوصل لو مش عارف رايح فين، بعد كده التركيز، فالاعتقاد لإن حياتك انعكاس لمعتقداتك، فلو قلت الفلوس صعبة هتفضل في حياتك صعبة.

بعد كده المشاعر، ودي وصفتها بإنها زي الـ GPS، وبالتالي المشاعر السلبية هتحبطك وهتفضل تقنعك بإن هدفك بعيد، ولو المشاعر إيجابية هتكون دافع ليك توصل.

أما التخلي، فعشان تستقبل جديد لازم تفضى وتطرد العلاقات السامة، أو الوظيفة اللي بتقتلك، وبعد كده هيقابلك قانون الجذب لإنك أشبه بمغناطيس بتجذب اللي شبه طاقتك وتفكيرك، فعشان تجذب الوفرة: عش إحساس الوفرة الآن واشكر على اللي عندك، تصرف كأنك الشخص اللي عنده اللي تتمناه.

بعد كده هتلاقي قانون التوازن، اللي قايم على معادلة (الصحة + المال + العلاقات + الروحانية)، وإن جسمك زي العربية محتاج الأربعة، بينما قانون الفعل فده بيقولك إن المعرفة بدون تطبيق = صفر، فقسم هدفك الكبير لخطوات صغيرة 1%، واتحرك كل يوم حتى لو خطوة.
أخر حاجة هقولها ليك في القوانين اللي هتساعدك تكون أفضل، فأنت محتاج قانون المرونة لإن اللاعب الشاطر مش العنيد، لو الباب مقفول دور على شباك، وإن الفشل مش نهاية، ومع ده هتكون أمام قانون العطاء،فكل ما تعطي من علمك، وقتك، حبك، يرجعلك أضعاف. بس العطاء الصح هو اللي ما يهلكك.

محتاج تحذر من 3 أعداء قادرين يخسروك اللعبة، وهي:

1. جلد الذات: كلامك القاسي مع نفسك بيبرمجك للفشل.2. المقارنة: تقارن كواليسك بكواليس غيرك. كل واحد ليه توقيته.
3. انتظار الظروف المثالية*: ابدأ باللي عندك وفي المكان اللي انت فيه.

وعلشان تكون لاعب مهاري في مواجهة الحياة هنختم لك بروشتة من 3 أمور أهمها الوعي، ثم الإقرار، وأخيرا الالتزام.

لمن يناسب هذا الكتاب؟

هذا العمل مناسب لكل من يسعى إلى تنظيم حياته اليومية وتحقيق تحسينات ملموسة في مختلف جوانب حياته من خلال خطوات واضحة ومبسطة تساعد على تجاوز العقبات.

مميزات الكتاب:

يتميز بتقديم حلول سريعة ومباشرة لـ 369 مشكلة يومية بأسلوب يشبه تشبيه الحياة باللعبة ذات القوانين الواضحة، مما يجعله مرجعاً سهلاً لمن لا يمتلكون وقتاً طويلاً للقراءة المعقدة، ويقوم بعرض الحلول بطريقة مركزة ومباشرة بدون حشو أو إطالة غير مبررة، ويناقش مشكلات حقيقية ومتكررة يمر بها أغلب الناس في حياتهم اليومية..

قراءة صحفية: هذا الكتاب هو طريق لحل ما يقرب من 370 مشكلة قد تواجه الإنسان في حياته، لذا فهو دليل شامل للتغلب على العقبات والمضي نحو المستقبل في سعادة وأمان.

حقوق النشر
هذه المادة عبارة عن قراءة صحفية تحليلية مستقلة أُعدت لأغراض التعريف والنقد والمراجعة الفكرية، وتعتمد على إعادة صياغة الأفكار وتقديم رؤية تفسيرية خاصة بالمُعد، ولا تمثل إعادة نشر لمحتوى الكتاب أو بديلًا عنه. وتظل جميع الحقوق الأدبية والفكرية محفوظة لمؤلف الكتاب وناشره، ويُنصح بالرجوع إلى النسخة الأصلية للاطلاع على العمل كاملًا.

البطاقة التعريفية للكتاب
العنوان: كيف تتقن لعبة الحياة
المؤلف: سمية الناصر
دار النشر: دار ملهمون
بلد النشر: الإمارات
الطبعة: الأولى
سنة النشر: نوفمبر 2018
عدد الصفحات: 391
رقم الإيداع: غير متوافر

ISBN:978-9948-39-695-6