اسم ربنا مش كلمة بنقولها وخلاص
كتير مننا اتعود يحلف بالله في أي موقف، سواء وهو بيحكي، أو بيأكد كلامه، أو حتى من غير ما يحس. ومع الوقت بقت الكلمة بتتقال بشكل تلقائي، وده شيء لازم نقف عنده ونراجع نفسنا فيه.
اسم الله سبحانه وتعالى هو أعظم اسم، ولازم يتقال بكل احترام وتعظيم، مش يبقى جزء من كلامنا اليومي أو وسيلة لإقناع اللي قدامنا. الحقيقة إن الإنسان الصادق مش محتاج يحلف كل شوية، لأن صدقه هو اللي بيشهد له.
وعشان كده، من أهم الحاجات اللي نربي عليها ولادنا إنهم مايتعودوش على الحلف بالله في كل كبيرة وصغيرة، وإنهم يعرفوا إن ذكر اسم ربنا مكانه الذكر، والدعاء، وقراءة القرآن، وكل كلام فيه خير وطاعة.
تعظيم اسم الله مش مجرد كلمة بنقولها، ده سلوك وتربية واحترام بنغرسه في أولادنا من وهم صغيرين، عشان يكبروا وهم عارفين قيمة اسم ربنا وقدره في قلوبهم قبل ألسنتهم
