أزمه ٢٠٠٨ تسقط الأقنعه وتكشف الأقتصاد الوهمي

بقلم: مي الجعلي
الفكرة الإيجابية تظهر بعد رفع ستر وتعري الاقتصاد الوهمي
في سنة 2008 العالم صحي على خبر مش عادي خبر مرعب بنوك بتقع شركات بتنهار وأسهم بتنزل أسرع من بطارية موبايلك لما تكون خارج البيت بنسبة 2% وناس مش لاقيه قبضها وناس اترفدت من غير اي سبب تخيل تروح الصبح الشغل يقولك مع السلامه باي باي
الناس وقتها كانت متخيلة إن الاقتصاد العالمي قرر ياخد إجازة مفتوحة وإن الحلم الأمريكي نفسه محتاج حد يسلفه كام دولار آخر الشهر وبدء الاقتصاد يعري غول العالم وبدأت حفله التعري
لكن وسط كل الفوضى دي حصل شيء غريب
ناس فقدت وظائفها فقررت تفتح مشاريعها الخاصة شركات اكتشفت إن طرق الشغل القديمة ما بقتش تنفع وأفكار جديدة خرجت للنور لأنها ببساطة ما كانش عندها رفاهية الفشل أكثر من كده
الأزمة كانت عاملة زي المدير الرخم اللي محدش بيحبه لكنه بيجبرك تطلع أفضل ما عندك
المفارقة المضحكة إن بعض الشركات والابتكارات اللي غيرت العالم بعد كده اتولدت في فترة كان الجميع مقتنع إن الدنيا خلاص بتقفل أبوابها
وكأن الحياة كانت بتقول معلش هنهد الحيط الأول علشان نعرف نبني دورين زيادة
لذلك عندما تمر بأزمه لا تسأل فقط؟ ليه حصل كده اسأل إيه الحاجة الجديدة اللي ممكن تتولد من هنا
لأن التاريخ علمنا أن الأزمات لا تأتي دائما لتكسرنا أحيانا تأتي لتجبرنا على اكتشاف نسخة أقوى وأذكى من أنفسنا
وفي النهاية، لو كانت أزمة 2008 علمتنا درس فهو أن نهاية الطريق في نظرنا ممكن تبقي بداية الطريق الجديد لينا ونحب نشكر هذة الفتره الى وضحت للعالم كله الاقتصاد الوهمي ونهايته
خلينا فاكرين ان بكرةجاي بالخير