الأفعال تحدد نظرة الإنسان إلى نفسه

يكتب :علاء محروس
الأفعال هي اللي بتحدد نظرة الإنسان لنفسه وكل سلوك بيعمله في حياته يا إما بيرفع من قدره واحترامه لذاته يا إما بينزل بيه الأرض ويبخس قيمته وده معناه إن تصرفاتنا اليومية وقراراتنا الاستثمارية والحياتية هي المراية الحقيقية اللي بنشوف فيها نفسنا وهي اللي بتبني ثقتنا في شخصيتنا أو بتهدها تماما لأنك لما بتاخد خطوة إيجابية وتستثمر في نفسك وفي مستقبلك وتتحرك صح احترامك لذاتك بيزيد وبتحس بقيمتك الحقيقية وبتكبر في عين نفسك قبل ما تكبر في عين الناس لكن لما تستسلم للاستهلاك الأعمى والمظاهر الكدابة وتضيع وقتك ومجهودك وفلوسك في حاجات ملهاش لازمة سلوكك ده بيقلل من نظرتك لنفسك وبيتعبك نفسياً وبتحس بالتقصير والندم ومن هنا لازم الشباب يفهموا إن قيمتك الحقيقية مش في اللي بتملكه أو بتستهلكه ولا في المظاهر اللي بتشتريها عشان تعجب الناس لكن قيمتك في الفعل والسلوك والإنتاج اللي بتعمله كل يوم عشان تبني بيه نفسك وتطور من مهاراتك وتزود من وعيك المالي والاستثماري لأن كل حركة وكل قرار بتاخده بيسيب أثر مباشر وجوهري في تقييمك الداخلي لنفسك ومن غير ما تحس بتلاقي قيمتك بتزيد أو بتقل قدام عيونك بناء على اللي قدمته وعملته في مواقفك المختلفة والشباب اللي عاوز ينجح بجد لازم يراقب تصرفاته اليومية لأن الاستثمار الحقيقي بيبدأ من السلوك الصح والوعي بإن كل مجهود بتعمله لتطوير ذاتك هو اللي بيبني الشخصية القوية ويخليك فخور بنفسك وبكل خطوة بتاخدها لقدام ومفيش حاجة بتهد الإنسان قدام نفسه قد قلة الفعل والكسل والاستسلام للواقع عشان كده لازم تفوق لنفسك وتغير سلوكك من مستهلك لمنتج ومستثمر عشان ترفع احترامك لذاتك وتبني مستقبلك على أساس نظيف وقوي ويكون عندك دايماً الشجاعة إنك تاخد قرارات صح تخدم هدفك وتزود ثقتك في بكره وفي قدرتك على النجاح وتحقيق ذاتك في المجتمع