الاستثمار الحقيقي إزاي نبني وعي الشباب لـ بكرة

كتب :علاء محروس
في عالم بيتغير كل ثانية وبسوق عمل مابقاش يعترف بالطرق التقليدية بنلاقي نفسنا قدام سؤال مهم ومحوري وهو إحنا بنستثمر في إيه بالظبط وهل الاستثمار بس في المشاريع والمباني والفلوس الحقيقة اللي لازم نواجهها بكل صراحة هي إن أكبر وأهم استثمار لأي مجتمع عايز يقف على رجله صح هو الاستثمار في وعي شبابه لأن الشباب مش مجرد رقم في التعداد السكاني بل هم المحرك الأساسي لعجلة الاقتصاد والاستثمار لكن المحرك ده مش هيشتغل بأعلى كفاءة من غير طاقة والطاقة هنا هي الوعي المالي والثقافي اللي بيشكل رؤيتهم للمستقبل ولما بنيجي نتكلم عن الاستثمار أول حاجة بتيجي في بال الشباب هي إنهم معندهمش رأس مال يبدأوا بيه وهنا بييجي دور الوعي عشان يصحح المفهوم ده ويوضح إن رأس المال الأول هو الفكرة والمهارة والفهم الحقيقي للسوق فالمشكلة الحقيقية مش في قلة الفرص على قد ما هي في العين اللي مش قادرة تشوفها وعشان كده توعية الشباب بآليات السوق الحديثة وإزاي يواكبوا التكنولوجيا ويشوفوا الفجوات المتاحة ويملوها بمشاريع مبتكرة هي دي البداية الحقيقية للاستثمار الناجح اللي بنحلم بيه والحقيقة إننا في جيل محاط بالمغريات الاستهلاكية من كل ناحية والسوشيال ميديا طول الوقت بتضغط علينا عشان نشتري ونستهلك والنقلة من عقلية المستهلك لعقلية المنتج أو المستثمر مش هتحصل بالصدفة دي محتاجة استراتيجية واضحة لتشكيل الوعي تخلي الشاب يفهم إن الادخار مش بخل وإن الاستثمار الذكي في مشروع صغير أو حتى في تطوير مهاراته الشخصية هو اللي هيصنع له الأمان المالي قدام ولما الشاب يفهم إزاي يدير ميزانيته الشخصية بالتبعية هتعرف تطلب منه بكرة يدير ميزانية شركة أو يساهم في اقتصاد بلد كامل وعشان كده رسالتي لكل شاب إن السوق مش مستني حد والتحديات موجودة ومحدش يقدر ينكرها بس الفرص كمان موجودة للي يدور ويفهم بجد فمتستناش الوظيفة المثالية تيجي تخبط على بابك اطبخ فكرتك صح وادرس سوقك واعرف إن كل خطوة بتعلمك حاجة جديدة هي في حد ذاتها استثمار في نفسك لأن بناء وعي الشباب مش رفاهية بل هو أمن قومي واقتصادي ولما بنسلح عقول الشباب بالمعرفة إحنا مش بس بنحميهم من الإحباط إحنا بنخلق جيل من المستثمرين والقادة القادرين يغيروا الواقع ويصنعوا المستقبل بإيديهم